पुणे | महादजी शिंदे हायस्कूलमधील ज्येष्ठ व आदरणीय शिक्षक बाळासाहेब गंगाधर नलावडे सर यांचे दि. ०3रोजी दुःखद निधन झाले. त्यांच्या निधनाने शैक्षणिक क्षेत्रात हळहळ व्यक्त केली जात आहे.
नलावडे सर यांनी पुणे कॅन्टोन्मेंट बोर्ड येथे १९८९ साली कलाशिक्षक म्हणून सेवेत रुजू होत आपल्या प्रदीर्घ सेवाकाळात असंख्य विद्यार्थ्यांना कला, संस्कार व शिस्तीचे धडे दिले. त्यांच्या अध्यापनशैलीमुळे विद्यार्थी घडले आणि शाळेच्या शैक्षणिक परंपरेत मोलाची भर पडली.
त्यांना श्रद्धांजली अर्पण करण्यासाठी महादजी शिंदे प्रायमरी व हायस्कूल तर्फे आयोजित कार्यक्रमात सर्व शिक्षकवृंद, विद्यार्थी व मान्यवर उपस्थित होते. या वेळी मुख्याध्यापिका सौ. कश्मिरा मॅडम व उपमुख्याध्यापिका काश्मीरी मॅडम यांनी आपल्या भावना व्यक्त केल्या.
या दुःखद प्रसंगी पंजेतन पवित्र संघटनेचे महाराष्ट्र राज्य अध्यक्ष मा. हनिफभाई शेख, रमजान शेख, शाळेतील माजी विद्यार्थी तसेच इतर शिक्षक-शिक्षिका उपस्थित होते. यावेळी मा. हनिफभाई शेख यांनी नलावडे सर यांचे कलाचित्र सादर करून त्यांच्या कलेप्रती असलेल्या योगदानाला मानवंदना दिली.
नलावडे सर यांच्या जाण्याने निर्माण झालेली पोकळी भरून न निघणारी असून, त्यांचे कार्य व स्मृती सदैव जिवंत राहतील. शाळा परिवाराकडून त्यांना भावपूर्ण श्रद्धांजली अर्पण करण्यात आली.
✍🏻मुख्य संपादक – सोहेल शेख
