आज दिनांक 23 मे 2026 रोजी हजरत सुफी गफूर हुसैन शाह कलंदरी कादरी शुत्तारी हाश्मी तसेच हजरत सुफी मोहम्मद शाह कादरी शुत्तारी कलंदरी यांच्या पवित्र उर्स निमित्त दर्गाह शरीफ येथे भक्तिमय वातावरणात उर्स सोहळा मोठ्या उत्साहात साजरा करण्यात आला.
या प्रसंगी दर्गाह सज्जादानशीन सुफी रईस अली शाह तसेच दर्गाह खादिम शिरपत शिंदे यांना पंजतन पवित्र संघटनेचे महाराष्ट्र राज्य अध्यक्ष माननीय श्री हनीफ भाई शेख आणि महाराष्ट्र राज्य कार्याध्यक्ष माननीय श्री इरफान भाई सय्यद यांच्या हस्ते त्यांच्या उल्लेखनीय सामाजिक व धार्मिक कार्याबद्दल प्रशस्तीपत्र देऊन सन्मानित करण्यात आले.
कार्यक्रमाला श्री सुफी कलीम अली शाह, श्री सुफी कय्युम अली शाह, श्री सुफी कदीर अली शाह, श्री अल्ताफ भाई खान, अब्दुल जब्बार, माननीय श्री नितीन शंकर बालकी साहेब, संतोष भाई चव्हाण, फहीम भाई, रमीज रिफाई, हुसेन भाई सय्यद, श्री कमलजीत सिंह साहब, श्री विजय भाई यांच्यासह अनेक मान्यवर आणि भक्तगण मोठ्या संख्येने उपस्थित होते.
यावेळी सर्व भक्तगणांनी भंडाऱ्याचा आस्वाद घेतला. तसेच कार्यक्रमात हिंदू-मुस्लिम भाईचारा, सामाजिक ऐक्य आणि एकोप्याचे सुंदर दर्शन घडले. उपस्थितांनी उर्स सोहळ्याच्या माध्यमातून समाजात शांतता, बंधुता आणि एकतेचा संदेश दिला.
✍🏻मुख्य संपादक – सोहेल शेख
