मुंबई | प्रतिनिधी
२०१९ साली भिगवण येथे घडलेल्या हत्येच्या प्रयत्न व पॉक्सो प्रकरणात महत्त्वाची घडामोड समोर आली आहे. तब्बल सहा वर्षांनंतर मुंबई उच्च न्यायालय यांनी आरोपीस जामीन मंजूर केला आहे.
मिळालेल्या माहितीनुसार, २०१९ मध्ये आरोपीने आपल्या मित्राच्या मदतीने एका व्यक्तीवर ब्लेडने वार करत गंभीर जखमी केल्याचा आरोप होता. या प्रकरणात पॉक्सो कायद्यांतर्गतही गुन्हा दाखल करण्यात आला होता.
आरोपीच्या बाजूने अॅड. शुभम साने आणि अॅड. शुभम लोखंडे यांनी न्यायालयात युक्तिवाद केला. त्यांनी न्यायालयासमोर मांडले की, गेल्या सहा वर्षांत सरकार पक्षाकडून आरोपीविरोधात ठोस पुरावे सादर करण्यात आलेले नाहीत.
यावर सुनावणी करताना न्यायालयाने नमूद केले की, दीर्घ काळ पुरावे सादर न झाल्यामुळे आरोपीस जामीनावर सोडण्याचे आदेश देण्यात येत आहेत.
मुख्य मुद्दे
२०१९ मधील गंभीर हल्ल्याचे प्रकरण
पॉक्सो कायद्यांतर्गत गुन्हा नोंद
६ वर्षांत ठोस पुरावे सादर नाहीत
न्यायालयाचा महत्त्वपूर्ण निर्णय – आरोपीस जामीन मंजूर
Hashtags
#MumbaiHighCourt #PuneNews #Bhigwan #CrimeNews #POCSOCase #BreakingNews #VoiceOfMaharashtra
✍🏻मुख्य संपादक – सोहेल शेख
