पुणे | प्रतिनिधी
शुक्रवार दि. 6 मार्च 2026 रोजी सायंकाळी 6:45 वाजता मंगळवार पेठ, पुणे येथील मदीना कॉम्प्लेक्स (416) येथे श्रीमंतयोगी छत्रपती शिवाजी महाराज यांच्या जन्मोत्सवानिमित्त सुराज्य रोजा इफ्तार पार्टीचे आयोजन करण्यात आले. या कार्यक्रमाचे आयोजन नव जागृती मित्र मंडळाचे अध्यक्ष राहुलभाऊ शर्मा यांनी केले होते.
कार्यक्रमाची सुरुवात छत्रपती शिवाजी महाराजांच्या मूर्तीला पुष्पहार अर्पण करून करण्यात आली. यावेळी अनेक मान्यवर उपस्थित होते. पुणे शहर काँग्रेसचे अध्यक्ष व नगरसेवक मा. अरविंद भाऊ शिंदे, आर. के. सय्यद फाउंडेशनचे अध्यक्ष इरफानभाई सय्यद, पंजेतन पवित्र संघटना महाराष्ट्र राज्याचे अध्यक्ष मा. हनिफभाई शेख तसेच विविध मंडळांचे अध्यक्ष आणि पदाधिकारी उपस्थित होते.
या रोजा इफ्तार पार्टी आणि शिवजयंती निमित्त आयोजित कार्यक्रमात हिंदू-मुस्लिम ऐक्याचे आणि भाईचाऱ्याचे सुंदर दर्शन घडले. मोठ्या उत्साहात आणि सामाजिक सलोखा जपत हा कार्यक्रम यशस्वीरीत्या पार पडला.
Hashtags:
#PuneNews #ShivJayanti2026 #RozaIftar #HinduMuslimUnity #MangalwarPeth #SocialHarmony
✍🏻मुख्य संपादक – सोहेल शेख
