पुणे | प्रतिनिधी
बेकायदेशीर अटकेबाबत बचाव पक्षाने मांडलेला युक्तिवाद ग्राह्य धरत पुणे येथील प्रथमवर्ग न्यायदंडाधिकारी न्यायालयाने आरोपीस जामिनावर मुक्त करण्याचा आदेश दिला.
बचाव पक्षाच्या वतीने अॅड. शुभम लोखंडे यांनी न्यायालयासमोर असा युक्तिवाद केला की, आरोपीस अटक करण्यापूर्वी BNSS कलम 35 अन्वये आवश्यक नोटीस देण्यात आलेली नव्हती. त्यामुळे अटक ही कायद्याच्या तरतुदींना धरून नसल्याचा मुद्दा त्यांनी उपस्थित केला.
दोन्ही बाजूंचा युक्तिवाद ऐकल्यानंतर न्यायालयाने प्रकरणातील परिस्थिती विचारात घेऊन आरोपीस जामीन मंजूर केला. न्यायालयाने तपासाची स्थिती तसेच संबंधित गुन्ह्यांचे स्वरूप लक्षात घेत आदेश पारित केला.
या आदेशामुळे BNSS अंतर्गत अटकेपूर्वी नोटीस देण्याच्या प्रक्रियेचे महत्त्व पुन्हा अधोरेखित झाल्याची चर्चा कायदेवर्तुळात होत आहे.
— Voice of Maharashtra News
✍🏻मुख्य संपादक – सोहेल शेख
