पुणे | प्रतिनिधी
२०१५ मध्ये घडलेल्या प्रेमप्रकरणाशी संबंधित खून प्रकरणात आरोपी सागर लबडे यांना सत्र न्यायालयाने जामीन मंजूर केला आहे.
मिळालेल्या माहितीनुसार, मित्राच्या प्रेमप्रकरणातून विवाहाचा विषय पुढे आला होता. मात्र, संबंधित तरुणीच्या कुटुंबीयांना हे लग्न मान्य नसल्यामुळे दोन्ही कुटुंबांमध्ये वाद निर्माण झाला. हा वाद पुढे मारामारीत रूपांतरित झाला.
या घटनेदरम्यान आरोपींनी कोयत्याने हल्ला करून संबंधित इसमास गंभीर जखमी केल्याचा आरोप आहे. जखमी अवस्थेत रक्ताच्या थारोळ्यात पडलेल्या इसमाचा मृत्यू झाला होता.
या प्रकरणी सिंहगड रोड पोलीस ठाण्यात भारतीय दंड विधान कलम ३०२, १४३, १४७, १४९, आर्म अॅक्ट ४(२५) तसेच ३४ अंतर्गत गुन्हा दाखल करण्यात आला होता.
सदर आरोपीच्या वतीने अॅड. शुभम लोखंडे यांनी न्यायालयात बाजू मांडली. दोन्ही बाजूंचा युक्तिवाद ऐकल्यानंतर सत्र न्यायालयाने आरोपी सागर लबडे यांना जामीन मंजूर केला.
या निर्णयामुळे जुन्या गुन्हे प्रकरणांतील न्यायालयीन प्रक्रियेबाबत पुन्हा चर्चा सुरू झाली आहे.
— Voice of Maharashtra News
✍🏻मुख्य संपादक – सोहेल शेख
