दि. 15/2/2026 रोजी डेक्कन कॉलेज, येरवडा, पुणे-06 येथे हजरत सय्यद शमशुद्दीन कादरी रहै. यांचा 529 वा उर्स मुबारक मोठ्या भक्तिभावात व उत्साहात साजरा करण्यात आला.
या पवित्र दिवशी पंजेतन पवित्र संघटना महाराष्ट्र राज्य अध्यक्ष मा. श्री हनिफभाई शेख यांच्या हस्ते दरगाह खादिम श्री हमिद अब्बास सय्यद यांना प्रशस्तीपत्र देऊन सन्मानित करण्यात आले. तसेच दरगाह खादिम श्री हमिदभाई सय्यद यांच्या हस्ते पंजेतन संघटनेचे अध्यक्ष श्री हनिफभाई शेख यांचा सत्कार करण्यात आला. यावेळी मित्रबंधू श्री कमलजीतसिंग साहेब यांचाही सत्कार करण्यात आला.
उर्स निमित्त मोठ्या प्रमाणात भाविकांची उपस्थिती होती. भंडाऱ्याचा प्रसाद, कव्वाली कार्यक्रम आणि धार्मिक वातावरणामुळे परिसर भक्तिमय झाला होता. भाविकांनी मोठ्या आनंदाने व श्रद्धेने या कार्यक्रमाचा लाभ घेतला.
संपूर्ण उर्साचा कार्यक्रम अतिशय शांततेत, शिस्तबद्ध आणि यशस्वीरीत्या पार पडला. आयोजक व सर्व कार्यकर्त्यांनी कार्यक्रमाच्या यशस्वी आयोजनासाठी विशेष परिश्रम घेतले.
✍🏻मुख्य संपादक – सोहेल शेख
